ពូជសត្វជន្លេនយក្សអូស្ត្រាលី អាចរស់បានដល់ជាង២០ឆ្នាំ
ក្រុងមែលប៊នៈ តើលោកអ្នកមើលស្គាល់ទេថាតើវាជាប្រភេទសត្វអ្វីទៅដែលគ្មានជើង ខណៈវាមានដងខ្លួនប្រវែង៨សង់ទីម៉ែត្រ និងកម្រាស់២,៥សង់ទីម៉ែត្រនោះ? នេះគឺជាសត្វជន្លេនយក្សមួយប្រភេទដែលគេបានប្រទះឃើញវានៅឯ តំបន់ភាគអាគ្នេយ៍នៃប្រទេសអូស្រ្តាលី។ វាជាប្រភេទជន្លេនវែង និងធំជាងគេលើលោកដែលអាចធំធាត់ដល់ប្រវែង២ម៉ែត្រ។
សត្វ ជន្លេនយក្សប្រភេទនេះអាចរស់នៅក្រោមដីដែលមានជម្រៅចាប់ពី១ ម៉ែត្រឡើងទៅ។ ជន្លេននេះមានលក្ខណៈងាយនឹងដាច់ណាស់ប្រសិនបើយើងប៉ះពាល់វាមិន ប្រយ័ត្ន និងអាចធ្វើឲ្យវាងាប់ទៀតផង។ ជន្លេនពូជនេះក៏កំពុងប្រឈមនឹងការផុតពូជពីភពផែនដីផងដែរ។
ជន្លេន យក្សនេះញាស់ពងបានតែម្តងគត់ក្នុងមួយឆ្នាំ។ កូនដែលញាស់មកហើយនោះក៏មិនតូចដែរគឺមានប្រវែង១៧សង់ទីម៉ែត្រ ប៉ុន្តែវាមានការលូតលាស់យឺតទម្រាំតែពេញវ័យ។
តាមការស្រាវជ្រាវ សត្វជន្លេនយក្សអាចរស់រានមានអាយុវែងរហូតដល់ទៅ២០ឆ្នាំឯណោះ៕
No comments